Një tjetër foshnjë ka vdekur në duart e mjekëve në një nga maternitetet e kryeqytetit.
Sipas informacioneve zyrtare, një 21-vjeçare nga Fushë-Kruja, shtatzënë në muajin e nëntë kishte udhëtuar ditën e mërkurë drejt Tiranës për mjekim të specializuar.
Vajza me inicialet S.Z. ka shkuar rreth orës 18:00 në një nga maternitetet e Tiranës, për të lindur.
Pas ndërhyrjes së mjekëve është bërë e mundur nxjerrja e fëmijës në gjendje të vdekur, ndërsa e reja ndodhet nën kujdesin e mjekëve.
Ndërkohë nga Ministria e Shëndetësisë nuk ka asnjë njoftim për këtë ngjarje.
Një nënë bashkë me fëmijën e saj të porsalindur vdiqën rreth një muaj më parë në maternitetin “Koço Gliozheni” në Tiranë, ndërsa në Pogradec një foshnjë vdiq vetëm dy pas lindjes.
NJOFTIMI I POLICISË SË DURRËSIT
Më datë 13.10.2016, rreth orës 17:30, jemi njoftuar nga Salla Operative Tiranë, se më datë 12.10.2016, rreth orës 18:00, ka shkuar në spital, për lindje shtetësia S.Z. 21 vjeçe, banuese Fushë-Krujë, ku pas ndërhyrjes është bërë e mundur nxjerrja e fëmijës në gjendje të vdekur, ndërsa shtetësia e mësipërme ndodhet nën kujdesin e mjekëve. Vijon puna për sqarimin e rrethanave të ngjarjes.
