Ministri i Brendshëm, Saimir Tahiri duke replikuar në Parlament me ish-kryeministrin Berisha, ka përmendur edhe emrin e djalit të Berishës.
“Ngjarja e Gërdecit meriton hetim nga fillimi deri në fund. Por nuk pranoj që ky zotëria që ka qeverisur këtu dhe vrau 26 njerëz në Gërdec dhe tha se ky ishte aksident teknologjik. Në një biznes ku punonte djali dhe kunati i tij. Unë nuk pranoj moral prej tij. Djali i tij është bërë gallata e librave botërore”, tha Tahiri.
Pas kësaj deklarate ka ardhur edhe reagimi i djalit të ish kryeministrit, Shkëlzen Berisha që me ironi i thotë të mos u marrë më para “hallexhinjve” të kanabisit.
Postimi i Shkëlzen Berishës në Facebook
Mediat ndërkombëtare e quajnë trafikant droge, por Saje qorri u qan hallin atyre qe mbjellin kanabis.
Nëse e ka sinqerisht duhet më së paku të mos u marrë lekët e t’u bëhet pjese për çdo bime që mbjellin.
Le të vazhdoje te tjerre rrena, por më pare të zbatoje vendimin e gjykatës e te paguaje gjobën për shpifje. Është i vetmi ministër në Europë që nuk zbaton vendimin e gjykatës. Aq me tepër tani qe ka shitur dhe Audin tek “hallexhinjtë” e drogës.
