Një ‘çerdhe’ prostitucioni është zbuluar në Tiranë ku është arrestuar një 50-vjeçar i cili shfrytëzonte si prostituta 2 femra në motelin e tij.
Nga Specialistët e Seksionit për Trafiqet e Paligjshme në Drejtorinë Vendore të Policisë Tiranë, u bë arrestimi në flagrancë i shtetasit:
• Lulëzim Zela, 50 vjeç, banues në Tiranë.
Si dhe u proceduan penalisht në gjëndje të lirë dy shtetase, më konkretisht:
• Shtetesja L. B., banuese në Tiranë.
• Shtetesja I. S, banuese në Tiranë.
Specialistët për Trafiqet e Paligjshme kishin siguruar informacione, se shtetasi Lulëzim Zela, në rolin e ndërmjetësuesit dyshohet se shfrytëzonte për prostitucion shtetaset L. B. dhe I. S.
Nga Seksioni i Trafiqeve të Paligjshme u bë i mundur dokumentimi me prova ligjore i kësaj veprimtarie kriminale ku rezultoi se:
Shtetasi Lulëzim Zela, posedonte një ambjent tre katësh përshtatur si motel në Tiranë.
Zela katin e parë të ambientit 3-katësh dyshohet se e kishte vënë në dispozicion dhe dyshohet se prej disa kohësh shfrytëzonte dy shtetaset për ushtrim prostitucioni.
Klientët i gjente Lulëzim Zela, i cili merrte pagesë nga këta të fundit për dhomën, pasi binin dakord paraprakisht edhe për pagesën kundrejt shtetaseve të mësipërme.
