Deputeti Ben Blushi i është përgjigjur me ironi akuzave të Taulant Ballës.
Ky i fundit që sulmon këdo që i del kundër Ramës, i kërkoi Blushit të dorëzojë mandatin që sipas tij është fituar nga votat e socialistëve të thjeshtë.
Ndërsa Blushi i tha Taulant Ballës se në Partinë Socialiste ai kishte fituar tenderin “Kush shan më shumë Ben Blushin”.
“Je bërë më i pasur, por edhe më i shpifur”, iu drejtua Blushi Ballës, të cilit i dha disa alternativa se kush mund të zëvendësonte në parlament.
Blushi përmendi emrin e Elvis Rroshit, Armando Prengës dhe Arben Ndokës si mundësi për ta zëvendësuar, duke ironizuar se ka plot kanabistë që i shpëtojnë policisë dhe mund ta zëvendësojnë në Kuvend.
