Ish drejtori i Hekurudhave, Genc Alizoti pas dorëheqjes së tij, për shkak se një video intime që u publikua me një vajzë, nuk ka preferuar të flasë për ketë ngjarje duke ja lënë aktualisht drejtimin e Hekurudhave Shqiptare nëndrejtorëve e saj.
Zëra të shumtë nga kjo ndërmarrje shtetërore hedhin dyshimet se video¬skandali ndaj Alizotit ka pasur prapaskena, me qëllim largimin e tij nga detyra. Kjo për shkak se në hekurudhë ishte përhapur lajmi se pritet të financohet një shumë e konsiderueshme parash, çka sipas tyre ka bërë që të nisë “lufta” për kreun e kësaj ndërmarrjeje.
Gjendja e kësaj ndërmarrjeje prej kohësh është shumë e rëndë, duke bërë që sot të ketë vetëm disa linja udhëtarësh apo mallrash ende në funksion. Mes tyre është ajo nga Durrës¬ Vorë e anasjellas, si dhe Durrës¬Shkodër dhe Vorë-Elbasan. Ndërkohë që për mallrat funksionon ajo me Malin e Zi, si linja e vetme ndërkombëtare.
Nuk dihet nëse publikimi i video¬skandalit është bërë nga partnerja e Alizotit (me të cilën supozohet se po kryente aktin seksual) në një moment gjaknxehtësie, apo materiali filmik ka rënë në duar të tjera, të cilat e përdorin për të prishur imazhin e ish¬kreut të Hekurudhave. Me gjithë tentativën e “Panorama” për të komunikuar me të, Alizoti nuk është përgjigjur në telefon, duke mbetur mister në këtë mënyrë edhe reagimi i tij për këtë video.
