Edhe pse azili u ishte mohuar që në muajin mars, familja shqiptare e përbërë nga burri, gruaja dhe vajza e tyre e mitur, kanë qëndruar në Gjermani. Kjo ka bërë që policia federale në Rosenheim të arrestojë familjen.
Ata pritet që të rikthehen sërish në vendlindjen e tyre, shkruan ‘rosenheim24.de’.
Familja shqiptare ishte arrestuar të shtunën, ku dy prindërit dhe një i mitur u morën në paraburgim. Ata ishin duke udhëtuar me tren natën. U konstatua se më herët i ishte refuzuar azili, shkruan albinfo.ch. Gjatë një kontrolli të zakonshëm në një tren ndërkombëtar të udhëtarëve, agjentët federalë, takuan edhe tre pasagjerë shqiptarë, që nuk kishin dokumentet e nevojshme të hyrjes.
Çifti dhe vajza shqiptare ishin të regjistruar në Gjermani, por azili iu ishte refuzuar më herët. Përveç kësaj zyrtarët gjetën se gruaja 28¬vjeçare ishte duke u kërkuar nga prokurori në Monchengladbach. Ajo nuk kishte paguar një dënim mbi vjedhje, megjithatë, kishin para për ta paguar, për të parandaluar burgimin. Ata pritet që të rikthehen në vendlindjen e tyre. Dihet se vendet e Ballkanit janë shpallur si të sigurta dhe nuk ka azil për ata persona që vijnë nga këto vende.
