Uragani Matthew shkaktoi mbi një mijë viktima në Haiti. Reuters raporton se zyrtarët kanë nisur që të varrosin disa prej viktimave, teksa kolera është shpërndarë në jugperëndim të vendit.
Uragani i fuqishëm, që goditi Haitin të martën me erëra që arritën deri më 223 kilometra në orë, ka bërë që 1.4 milion njerëz të kenë nevojë për ndihma humanitare, ka thënë Zyra për Çështje Humanitare e OKB¬së. Tashmë fuqia e uragani Matthew ka filluar të dobësohet.
Uragani Mattheë, i kategorisë tre, ka qenë më i fuqishmi në Karaibe në së paku një dekadë. Ai ka sjellë erëra deri në 193 kilometra në orë. Ekipet e ndihmës nga Kombet e Bashkuara kanë thënë se disa zona mund të arrihen vetëm nga deti ose ajri. Marina e SHBA¬së ka dërguar po ashtu ndihma. Haiti është një nga vendet më të varfra në botë dhe shumë prej banorëve jetojnë në kasolle prej druri.
