Edi Rama ka e përjeton me shqetësim faktin që disa deputetë të tij pritet të “emigrojnë” te LSI-ja në rast se nuk futen në listat e Partisë Socialiste.
Burime pranë selisë rozë bëjnë të ditur se një informacion i mbërritur te kryeministri bën të ditur se disa prej parlamentarëve të mazhorancës mund të zhvendosen tek LSI-ja, madje kanë bërë gati “çantat”që tani.
Bëhet fjalë për “senatorë”që janë ngulur prej vitesh në zona të caktuara, por që tani pritet të goditen si pasojë e ripërtëritjes që mund të pësojë grupi parlamentar me të rinj dhe gra që Rama ka premtuar prej kohësh që do ta bëjë.
Madje mësohet se objekt i takimeve Rama-Meta ka qenë edhe “pakti i mossulmimit”apo i “mosndërhyrjes së punëve të brendshme” të njëri-tjetrit.
Prej kohësh është vënë re emigrimi i brendshëm në të majtën shqiptare.
Kanë qenë drejtues degësh e organizatash, përfshirë edhe zyrtarë lokalë që janë zhvendosur në disa rrethe të vendit, kryesisht në veri.
Por kohët e fundit mësohet se është përgatitur një zhvendosje e madhe në nivelet e larta, që pritet të bëhet e ditur para fushatës së zgjedhjeve të 2017-ës.
Mësohet se Rama ia ka bërë të ditur edhe Metës se nuk do ta tolerojë një gjë të tillë, dhe nëse ndodh do ta quajë si një shkelje të marrëveshjes mes partive.
Kjo ka vënë në siklet edhe kreun e LSI-së, i cili siç mësohet ka zhvilluar një takim me grupin e deputetëve “eksodistë” dhe u ka bërë të ditur situatën delikate.
Por nuk e ka prerë përfundimisht duke krijuar gjasa që nëse do të ketë një lloj ndarjeje me Ramën ta përdorë këtë pjesë si presion.
Ndërkaq, vetë Rama ka takuar një nga një deputetët e pakënaqur duke u ofruar edhe “shkopin” edhe “karrotën”.
Anastas Angjelit për shembull sapo i dhuroi një zonë të sigurtë: Gramshin e Damian Gjiknurit, pasi ky i fundit u caktua me mision në Dibër. /tesheshi.com/
