Receta për një lëkurë të shëndetshme dhe të bukur? Shmangni stresin. Epiderma përbën mbrojtjen e parë të trupit, ajo ndikohet nga emocionet tona dhe përkeqësohet në rast të situatave të vështira.
Psikologjia e lëkurës– Problemet emocionale dhe stresi mund të reflektohen në epidermë, kufiri dhe mbrojtja e trupit nga bota e jashtme. Mirëqenia emocionale dhe psikologjike janë të lidhura me lëkurën më shumë se ju mendoni. Kujdesuni për lëkurën tuaj duke e masazhuar butë dhe filloni ta trajtoni atë me dashuri.
Çështje diete- Dieta për lëkurën është e pasur me ujë, për shkak se ky element ndihmon për të larguar helmet nga trupi dhe lëkura. Në mëngjes para ushqimit konsumoni çajra bimorë, sepse do të ndihmoni pastrimin e trupit. Filloni të reduktoni sheqerin dhe miellin e rafinuar, të cilat favorizojnë papastërtitë e lëkurës dhe përkeqësojnë rastet e puçrrave në fytyrë. Konsumoni fruta të thata, kos, perime dhe mjaltë.
Hidratim i thellë- A e dini se vaji ushqen më thellë se kremi? Zgjidhni një vaj perimesh me cilësi bimorë, i bërë nga materiale të pastra.
Relaksi- Një vaj i mirë vegjetal përbën një trajtim ideal për lëkurën e thatë. Ai ndihmon për ta mbajtur lëkurën të zhdërvjellët dhe të butë, parandalon problemet e saj. Trajtimet me vajra i dhurojnë fytyrës përkëdheljen e nevojshme.
Porositë e gjyshes– Të çara për shkak të të ftohtit? Gjatë dimrit ju mund të përgatisni një maskë ushqyese me mjaltë. Hidh në një tas disa lugë mjaltë, zbuteni me vaj ose kos, aplikojeni në fytyrë dhe prisni disa minuta para se ta shpëlani me ujë të vakët. Ideale është ta masazhoni lëkurën menjëherë para se të bëni dush.
Burimi: TgCom24
