Ndeshjen e futbollit ndërmjet Kosovës e Kroacisë në Shkodër, sonte nuk do ta ndjekin vetëm mijëra tifozë kosovarë.
Në stadiumin ‘Loro Boriçi’ në Shkodër, sonte do të jenë edhe Presidenti i Republikës së Kosovës, Hashim Thaçi, si dhe kryeministri Edi Rama, raporton lajmi.net. Por prania e Ramës nuk shihet si një ogur i mirë nga tifozët, shumë prej tyre mendojnë se kryeministri shqiptar sjell ters. Madje edhe një prej futbollistëve të Kombëtares, Ansi Agolli e porositi Ramën disi me humor të mos merrte më pjesë në ndeshjet e tyre.
Ai do t’i japë përkrahje dhe do të bëjë tifozllëk për Kosovën bashkë edhe me disa zyrtarë të tjerë qeveritarë.
Po sot luan edhe Kombëtarja shqiptare përballë Lihtenshtejnit. Të dy ndeshjet të vlefshme për kampionatin botëror ‘Rusia 2018’ nisin në orën 20:45.
Në mungesë të një stadiumi që plotëson kriteret minimale të FIFA-s, Kosova luan ndeshjen në Shkodër, e cila llogaritet si mikpritëse.
