Krei i opozitës Lulzim Basha ka reaguar në lidhje me ngjarjet kriminale të ndodhura ditët e fundit, siç ishte masakra e Dajçit, duke akuzuar Edi Ramën pasigurinë në vend. Me anë të një deklarate drejtuar mediave, Basha theksoi se ‘Rama u tall me 3 jetë të humbura, si te ishin dele e jo njerëz dhe u mburr me atë që është dështimi i tij i madh.’.
Ndër të tjera ai thekson se rend nuk ka më, ndërsa vendi sipas tij drejtohet nga bandat. Teksa u ndal tek dy viktimat shënuara sot, një në Shkodër dhe një në Korçë, Basha tha se Rama dhe Tahiri po pengon hetimin në lidhje me drogën e bllokuar në Vlorë.
DEKLARTA E BASHËS
Kur 3 shtetas u vrane me arme, dje Edi Rama nxorri një zhgarravinë duke thënë se po vendos rendin, se numri i vrasjeve është ulur. U tall me 3 jetë të humbura, si te ishin dele e jo njerez dhe u mburr me ate qe eshte deshtimi i tij i madh. Sepse rendi nuk ekziston. Rend nuk ka. Ka sundim te bandave, ka konflikt dhe vrasje me arme. Kete pasiguri ekstreme e ka mbjellur ai në Shqiperi, me kanabizimin e vendit, me sprapsjen e ligjit, me rreshtimin e tij dhe Tahirit në krah të krimit.
Dita sot nis me dy të vrarë, një në Shkodër dhe një në Korcë. Ndërkohë dje policia me urdhër të Ramës e Tahirit i ka bërë rezistencë drejtësisë, duke penguar hetimin e duke mbrojtur 11 tonelata me drogë në Vlorë. Një bandit i qeverisë i del para prokurorit me armë në dorë në Mat duke i prerë rrugën drejt parcelave me kanabis. Ky është shteti i Edi Ramës, nderkohe qe ai llomotit ne Kuvend per drejtesine. Këtu ka përfunduar Shqipëria me Edi Ramen. Shqipëria do jetë pa krime, pa drogë, pa plehra vetëm pa Edi Ramën.
