Deputetja e Partisë Socialiste, Mimoza Hafizi i është kundërpërgjigjur ashpër kryeministrit Edi Rama në lidhje me deklaratat e tij në Parlament.
Me anë të një statusi në rrjetin social ‘Facebook’, Hafizi i ka cilësuar ‘harbute’ reagimet e Ramës ndaj saj të enjten e kaluar në Kuvend.
Ajo ka cituar një mesazh të një studenti ekselent, i cili i thoshte se: “Lëre mediokritetin të ngazëllehet në injorancën e vet! “. Kreu i Qeverisë nga foltorja e Kuvendit iu drejtua deputetes së partisë që ai drejton se “nuk ishte njeri”.
REAGIMI I HAFIZIT
Miq,
Ķëto ditë kam pasë shume komunikime nga të njohur e të panjohur, të cilët kanë ndjekur në media reagimin harbut të kryeministrit ndaj meje, në sallën e parlamentit, të enjten e kaluar. Reagim për një debat shumë qytetar dhe profesional që unë hapa në lidhje me importin e mbetjeve.
Nje student ekselence më shkruan:
“Lëre mediokritetin të ngazëllehet në injorancën e vet! ”
Une pikërisht këtë bëra, e lashë të jap i vetmuar atë ditë, atë shfaqje të trishtë për çdo shqiptar, teksa sheh kryeministrin e vet krejt të çekuilibruar emocionalisht e të çakorduar në shifra e argumente.
