Lëvizja Socialiste për Integrim për t’u dukur ndryshe nga Partia Socialiste për importin e mbetjeve vazhdon të mbështesë propozimin e çuditshëm që shoqëria civile të kontrollojë mbetjet.
Kreu i Kuvendit, Ilir Meta deklaroi se i ka kërkuar ministrit të Mjedisit, Lefter Koka dhe atij të Drejtësisë, Ylli Manjani, që të angazhohen në iniciativa që i hapin rrugë kontrollit 100% nga shoqëria civile të importit të mbetjeve.
“Duke pasur bindjen se shoqëria civile ka mjaft kapacitete dhe i ka të gjitha mundësitë për të verifikuar zbatimin me korrektësi ekstreme të këtij ligji mjaft sensivit, sot i kam kërkuar ministrit të Mjedisit Koka dhe ministrit të Drejtësisë, Manjani, që ky detyrim ligjor që u vendos në këtë ligj të shoqërohet edhe me iniciativa të tjera konkrete që realizojnë monitorimin 100% të ligjit nga shoqëria civile”, u shpreh Meta.
Por se si shoqëria civile do t’i kontrollojë mbetjet dhe se ccfarë kapacitetesh ka një qytetar i thjeshtë, Meta nuk ka dhënë përgjigje.
Meta ka komentuar edhe deklaratën e deputetit të LSI-së Përparim Spahiu i cili tha se do dalë në protestë për ligjin për importin e mbetjeve.
“Spahiu është e drejtë e tij aq më tepër që ka nisur edhe ai fushatën e tij”, tha Meta për gazetarët.
