Gjykata ka lënë në “arrest me burg” vëllain e Shefit të Komisariatit të Dibrës, Pajtim Aga.
47-vjeçari u kap nga policia e Lezhës me kokainë në makinë dhe sipas policisë drogën ai do ta shiste në Tiranë.
Gjyqi është zhvilluar me dyer të mbyllura. Pajtim Aga është vëllai i shefit të Komisariatit në Dibër Robert Aga.
Pas ndalimit të tij, Partia Demokratike reagoi duke thënë se Aga kishte mbështetjen e Kryeministrit dhe të Ministrit të Brendshëm, si dhe i bëri thirrje Prokurorisë që të hetonte faktet e paraqitura për krimin zgjedhor, dhe për implikimin e Agës në trafikun e drogës
Shefi i Komisariatit të Policisë në Dibër, Robert Aga është akuzuar nga Partia Demokratike si kreu i organizatës kriminale që ka blerë votat në Dibër në zgjedhjet e 11 shtatorit 2016.
