Për çdo lloj personi në botë, ekziston një racë macesh që i përshtatet shijeve të tij/saj dhe stilit të jetës. E lëvizshme ose e qetë, me gëzof apo qime, e imët ose e shëndoshë, ekzistojnë kaq shumë lloje macesh për të zgjedhur me të cilat çdo njeri do të përshtatej. Ka disa lloje të veçanta macesh që do të bëjnë t’ju dridhet zemra. Nëse po mendoni të investoni tek një mik shtëpie, po lexoni artikullin e duhur. Këtu do t’ju prezantojmë 10 racat e maceve, të cilat nuk do t’ju shkaktojnë alergji. Për ju që nuk do të gjeni racat e maceve të juaja këtu, mos u shqetësoni, të gjitha macet janë të veçanta në llojin e tyre.
1. Macja orientale
E ngjashme me macen siameze, kjo mace ka veshë të mëdhenj dhe një personalitet kurioz. Kjo mace është e zgjuar dhe tepër e shoqërueshme. Ajo do të krijojë miqësi të mirë me të zotin e vet. Macja është tepër besnik dhe një shok i mirë për të luajtur.
2. Macja “Qimeshkurtër amerikane”
Kjo mace atletike është e ngjashme me macet “qimeshkurtra angleze” por janë më të mëdha, më të fuqishme. Kjo kotele dallohet për jetëgjatësinë e saj, dhe ka lloje të ndryshme të të njëjtit tip si në ngjyrë dhe në njolla. Amerikania qimeshkurtër është tepër e shëndetshme dhe e sjellshme.
3. Macja “Birman”
Kjo mace e bukur mendohet se e ka origjinën nga Burma. Sipas legjendës, macja Birman ishte mbrojtëse e tempujve në Burma. Ajo është e madhe dhe e gjatë. Kjo mace është e njohur për sytë e saj blu, dhe pikët e errëta në veshët e saj. Kjo është një mace e dashur dhe e sjellshme që kërkon të luajë gjatë gjithë kohës.
4. Macja “Sfinks”
Nuk po flasim aspak për monumentin apo mitin legjendar egjiptian, por për një mace tepër ekzotike. Macja nuk është krejtësisht pa qime, por ato janë në sasi shumë të pakët, gjë që e bën tepër të ndjeshme nga dielli. Prandaj konsiderohet mace shtëpie. Me karakterin e saj kureshtar ajo është shumë e dashur për çdo familje.
5. Macja “Ragdoll”
Këtë emër ia vuri dikush në vitet ‘60 sepse macja ishte tepër e butë dhe e dashur. Ajo i ndjek të zotët gjithnjë nga dhoma në dhomë. Kjo mace nuk di ta mbrojë mirë veten, dhe nuk duhet lënë rrugëve vetëm. Qimet e Ragdoll janë të dendura dhe të plota. Kjo mace parapëlqen një stil jete reklasues.
6. Macja Siameze
Mos lini macet e këqija të filmit “Aristokratët” t’iu gënjejnë me një imazh të shëmtuar të bukurisë së kësaj race. Kjo lloj maceje kërkon shumë vëmendje, por është gjithashtu një mace e dashur dhe e shoqërueshme. Macja siameze vjen me një mori ngjyrash, por njollat në fytyrë, veshë, putra e bisht, janë karakteristike për to.
7. Macja “Ekzotike qimeshkurtër”
Kjo mace është versioni qimeshkurtër i maces persiane. Me veshët e saj të shtypur dhe veshët e rrumbullakët, Ekzotikja Qimeshkurtër duket më shumë si një arush se sa si mace. Kjo është një mace tepër e gjallë dhe kureshtare, por në të njëjtën kohë e qetë dhe e tërhequr.
8. Macja “Abisinian”
Një nga racat më të vjetra të maceve, Abisinian është një racë antike egjiptiane me trup atletik, veshë të mëdhenj dhe këmbë të holla. Kjo është një mace e zgjuar dhe me karakter të hapur që do të luajë pafund, veçanërisht në vaska me ujë. Pavarësisht natyrës kureshtare, në përgjithësi janë mace të turpshme përballë të huajve.
9. Macja “Maine Coon”
Kjo mace e bukur është një nga racat me përmasa më të mëdha. Asaj i duhen 3-4 vjet për të arrirë pjekurinë e plotë fizike. Putrat e saj janë të mëdha e të gjëra dhe me gëzof të dendur. Kjo racë nuk është popullore vetëm për temperamentin e saj, por është e shëndetshme dhe shumë e guximshme.
10. Macja Perse
Të gjithë e njohin macen perse. E njohur për gëzofin e saj të gjatë dhe të butë, raca perse është një nga racat më të vjetra. E qetë dhe e ëmbël, kjo mace dashuron ambientet e qeta. Në përgjithësi konsiderohen mace shtëpie dhe kërkon të lahet rregullisht për t’i mbajtur gëzofin e bardhë të pastër.
