Kreu i qeverisë, Edi Rama ka sqaruar për gjithë kundërshtuesit e ashpër të ligjit të lejon importin e mbetjeve, duke quajtur marrëzi kritikat.
Sipas tij, gjithë sharlatanizmat politike apo mediatike me këtë temë, s’kanë lidhje me të vërtetën. “Ata nisen nga premisa që këtu njerëzit janë shumë të ndjeshëm, dhe ja Rama dha fjalën që do e ndalojë importin dhe hëngrën fjalën, nuk është e vërtetë, nuk i kemi lejuar dhe s’do ti lejojmë. Këtu nuk flasim për plehra, se koncepti i plehrave është mbetje që duhen asgjësuar duke i djegur dhe groposur, jo mbetje që janë para, që prodhojnë para, punësim”¬ tha ai.
”Është marrëzi të mendosh se nëse ka qëllime të paligjshme për të kaluar mallra me përbërje të rezikshme u dashka pritur të bëhet ky ligj dhe nuk u kalokan me mallra të tjera, është marrëzi” tha ai.
Rama u ka dhënë përgjigje atyre që bën paralelizma me Napolin. “Napoli është se strukturat e kontrollit të aktivitetit që bëhet me plehrat, janë kundër industrisë së riciklimit, armiku më i madh i riciklimit është mafia, në Napoli ka qenë e pamundur të vendosej ndarja dhe diferencimi i mbetjeve në burim, sa herë vendoseshin kazanët që ndanin mbetet kërciste dinamiti dhe beteja në Napoli është beteja e atyre që groposin dhe duan të kenë monopolin e plehrave me shtetin, nuk ka asnjë sens”¬ tha ai. Një përgjigje i ka dhënë Rama edhe gjithë atyre që pyesin se pse i shet Evropa, kur mund t’i ricikojë vetë.
“Pse Europa i shet kur mund ti ricikojë vet, po pse shet Europa cdo lloj lëndë të parë, pse shet grurë, cfarë tjetër me radhë ka lëndë të parë, janë lëndë të para me vlerë që rikthehen në treg dhe mbi të gjitha është e paimagjinueshme që ti thuash vetes ambientalist dhe të jesh kundër riciklimit, promotorët më të mëdhenj të riciklimit janë ambientalistët. Nuk na lutet ne askush që merrini këto mbetje, imagjinata që këtu Eurpoa do të depozitojë plehra në Shqipëri është një fantazi që ushqehet nga e shkuara. Këto mbetje janë lëndë e parë si gjithë të tjerat dhe nuk kanë asnjë ndryshim, mbetej prej të cilave bëhet ekonomi, ekonomia e gjelbër dhe që e stimulon gjithë bota normale”¬ tha ai.
