Të shtëna me armë zjarri janë regjistruar orët e para të mëngjesit të kësaj të diele në zonën e Saukut, Tiranë.
Ngjarja ka ndodhur pranë një lokali nate, ku disa persona janë përfshirë në një konflikt, duke degraduar deri në përdorimin e armëve
Mësohet se të rinjtë kanë qëlluar me armë nga 4 makina të ndryshme, në drejtim të njëri –tjetrit.
Fatmirësisht nuk ka patur persona të lënduar.
Ndërkohë policia ka mbërritur në vendin e ngjarjes dhe po punon për identifikimin dhe kapjen e të rinjve që qëlluan me armë. Në vendngjarje janë gjetur 4 gëzhoja pistolete, ndërsa policia shoqëroi dy të rinj, P. G dhe E. D, që dyshohet se morën pjesë në sherrin me armë.
