Si pasojë e sulmeve ajrore të ndërmarra në Alepo është rritur në 86 numri i civilëve të vrarë, ndërsa 200 persona kanë mbetur të plagosur, mes tyre shumë fëmijë. Sërish pamje tronditëse, nga një luftë që duket se nuk do të mbarojë kurrë.
Nexhip Ensari, një prej zyrtarëve që kryen punimet e mbrojtjes civile në vendbanimet e bombarduara nga ajri, në një deklaratë për AA ka konfirmuar se avionët e Ushtrisë së Sirisë dhe të Rusisë kanë kryer sulme intensive në disa vendbanime nën rrethimin e regjimit në veri të vendit.
Sipas informacioneve të dhëna nga Ensari mësohet se kanë humbur jetën 86 civilë nga të cilët 12 në rajonin Bab të Alepos që ndodhet nën kontrollin e organizatës terroriste DAESH, 19 në lagjen nën kontrollin e opozitarëve Beshtakin, 8 në Ensari, 14 në Kellese, 7 në Katirxhi, 6 në Bab El Nerjab, 5 në Salihijin, 3 në Maadi, nga 2 persona në Tarik el Bab dhe Sahur, nga 1 person në Merxhe, Karm Hamud, Shejh Hadır si dhe 5 persona në rajonin Kafr Hamra. Avionët luftarakë kanë qëlluar edhe lagjet Sukkeri, Shear dhe Mesekin Hananu.
Si pasojë e sulme intensive ajrore janë plagosur edhe rreth 200 civilë. Ndërsa në anën tjetër sipas raportimeve të agjencisë së lajmeve të regjimit SANA, bëhet e ditur se forcat e regjimit janë përgatitur për ofensivë tokësore në rajonin lindorë të Halepit të cilin e kanë nën rrethim.
Regjimi i Bashar al Asadit nisi sulmet e ashpra tokësore dhe ajrore pasi njoftoi më 19 shtator përfundimin e armëpushimit të mundësuar nën udhëheqjen e SHBA-së dhe të Rusisë. Ndaj operacioneve dhe sulmeve të regjimit jep mbështetje edhe Rusia.
