Kryeprokurori Adriatik Llalla ka reaguar pas lajmit se është kërcënuar dhe për këtë arsye ka larguar edhe familjen nga Shqipëria. Në një deklaratë për mediat, Prokuroria deklaron se nuk ka asnjë cënim në ecurinë e hetimeve
Njoftimi i Prokurorisë
“Lidhur me interesimin Tuaj, pas lajmit të publikuar në televizionin Top Channel, me titull: “Kërcënohet Adriatik Llalla, kryeprokurori detyrohet të largojë familjen nga Shqipëria”, dëshirojmë të theksojmë se, si Prokurori i Përgjithshëm, ashtu edhe institucioni i Prokurorisë vijojnë normalisht aktivitetin në bazë të ligjit dhe nuk ka asnjë cënim në ecurinë e hetimeve që po zhvillohen në të gjithë strukturat e institucionit”, thuhet në deklaratën e zëdhënësit të këtij institucioni.
