Jose Mourinho ka ironizuar kritikët që bënë përgjegjës portugezin për tri humbjet radhazi brenda një jave të Manchester United, me City-n në derbi me Fejnoordin në Europa League dhe me Ëatfordit në javën e 5-të të Premier Leagues.
Pas fitores 3-1 me Northampton në Kupën e Ligës, 53-vjecari me stilin e tij unik, ironizoi ata që e kanë sulmuar në këtë fillim sezoni, duke i quajtur Ajnshtajnë (Albert Ajnshtajn) të futbollit.
“E di që bota është plot me Ajnshtajnë. Këta provuan të fshinin 16 vite të karrierës sime dhe të eliminonin historinë e pabesueshme të klubit për tre rezultate negative. Por kjo është e reja e futbollit që është mbushur me Ajnshtajnë”, tha Mourinho.
Trajneri i siguroi tifozët e “Djajve të Kuq” se rezultatet nuk do të mungojnë, ndaj ata duhet të jenë si gjithmonë në krah të skuadrës.
Manchester United renditet në vendin e pestë në Premier League në kuotën e 9 pikëve, 6 më pak se Manchester City që kryeson me pikë të plota.
