Ata që shkojnë vazhdimisht në palestër duhet të dinë se çfarë ushqimesh duhet të konsumojnë përpara stërvitjes.
Këto “snacks”, në fakt, janë themelore për t’i dhënë energji trupit para se të ushtroheni.
Natyrisht, të hani shumë pak para palestrës sigurisht nuk është e rekomanduar, por kjo nuk do të thotë të shkoni me stomakun krejtësisht bosh.
Ju duhet të hani dy orë para se të shkoni në palestër një vakt me një përzierje të karbohidrateve dhe proteinave me 300-400 kalori, perime, fruta të thata dhe kos.
Nëse keni vetëm një orë kohë para palestrës duhet të hani karbohidrate dhe proteina me më pak se 200 kalori (për shembull një kos me drithëra).
Nëse keni vetëm 15 deri në 30 minuta para se të shkoni në palestër mund të hani një lugë gjelle rrush të thatë, një banane dhe lëng molle.
Nëse nuk keni kohë për këto mund të konsumoni një fetë bukë, një karamele apo një pije energjike. Mos harroni të pini gjatë gjithë ditës, gjatë dhe pas ushtrimit.
Duke ndjekur këto drejtime, këtu është një listë më e detajuar e ushqimeve që duhet të hani para se të shkoni në palestër:
Banane. E pasur me karbohidrate, gjithashtu ofron kaliumin e dobishëm për mirëmbajtjen e muskujve dhe funksionin nervor.
Bollgur. I pasur me fibra. Garanton furnizimin me energji gjatë të gjithë stërvitjes.
Frullato me fruta. Mund të tretet shpejt dhe i ofron trupit energji.
Fruta të thata. Një grusht arra është e përkryer qoftë se ju keni vetëm disa minuta për të ngrënë para se të stërviteni.
Kosi grek. Kosi grek përmban pothuajse dyfish proteina në krahasim me kosin e rregullt, por rreth gjysmën e sheqerit.
Tost me drithëra integrale dhe marmalatë. Ushqim me efekt të menjëhershëm.
E bardha e vezës. Një omletë e bërë vetëm me të bardhën e vezes, e jo të rritet rëndë, është një ushqim i përsosur me proteina.
Gjoks pule në skarë dhe oriz integral. Nëse keni kohë para palestre, ky është një ushqim ideal.
Burimi: DireDonna
