Fillimisht ishte Ministri i Jashtëm Dimitër Bushati e më vonë deputeti i PS-së Arben Çuko që u shprehën për Ilir Metën si kandidat i fort për president. Pas këtyre zërave, nënkryetarja e LSI-së Kejdi Mehmetaj i ka kthyer një përgjigje.
Me anë të një statusi në facebook ajo mendon se Ilir Meta ka një detyrë të rëndësishme për të mbaruar.” “Une mendoj se Z.Meta ndihet i respektuar nga vleresimi i disa prej figurave te Partise Socialiste qe e shohin se pari si njeriun konsensual dhe konstruktiv dhe si Presidentin e ardhshem te Shqiperise”, tha Kejdi Mehmetaj.
Ministri i Jashtëm Ditmir Bushati, i cili në emisionin “Debati në Channel One”, e cilësoi kreun e LSI¬së “kandidat të fortë për President”. “A mund të jetë kandidat? Natyrisht që është kandidat i fortë për president, por kjo varet nga Meta, nga koalicioni, nga votat në parlament. Një njeri që ka qenë kryeministër, ministër i Jashtëm, ministër i Ekonomisë, kryetar parlamenti, kur lexon CV dhe sheh kontributin, ai është një kandidat i fortë për President”, tha Bushati.
Ndërsa sot, deputeti Arben Çuko gjatë një interviste në “Report TV” në emisionin “45 minuta”, shtkoi më tej duke thënë se “Meta President, do të lehtësonte rrugën e së majtës në pushtet”. “Ilir Meta si president i shtetit shqiptar do të lehtësonte më tepër rrugën e gjatë që ka përpara e majta në këto 8 vitet e ardhshme apo më tepër”, Tha Çuko.
Ja statusi i plotë i Kejdi Mehmetaj:
Une mendoj se Z.Meta ndihet i respektuar nga vleresimi i disa prej figurave te Partise Socialiste qe e shohin se pari si njeriun konsensual dhe konstruktiv dhe si Presidentin e ardhshem te Shqiperise. Megjithate them se detyra e Metes si kryetar i parlamentit ende nuk ka mbaruar dhe roli i tij konstruktiv eshte dhe mbetet i pazevndesueshem ne keto kohe tensionesh te medha politike. Levizja Socialiste per Integrim keto dite po futet ne nje proces zgjedhor ku z. Meta eshte kandidati kryesor dhe ne kete moment te rendesishem politik per LSI ai eshte drejtuesi dhe inspiruesi i pazevendesueshem ne suksesin e zgjedhjeve te ardhshme. Duke gjykuar si nje e re, e cila ndodhet ne politike sepse Ilir Meta, si askush tjeter ne politiken shqiptare, ka besuar tek te rinjte mendoj se kauza e tij per promovimin e te rinjve ka akoma shume rruge per te bere. Pse jo, do e quaja edhe nje detyrim te tij qe duhet çuar deri ne fund!
