Pas ofendimit që kryeministri Edi Rama i bëri kryetares së Bashkisë, Voltana Ademi duke e quajtur atë “hu”, ka reaguar kreu i PD-së Lulzim Basha.
Mësohet se gjatë takimit me dyer të mbyllura të kryeministrit me bazën socialiste në qytetin e Shkodrës Rama ka thënë se kryebashkiakja e Shkodrës Voltana Ademi është një hu dhe që nuk është e aftë të drejtojë këtë bashki.
Menjëherë pas kësaj deklarate ka reaguar kryetari i degës së PD-së në Shkodër, Remzi Çobaj.
Ndër të tjera, ai shprehet se Rama u tregu harbut me deklaratat e tij.
Deklaratën e tij, e ka shpërndarë kreu i PD-së Lulzim Basha duke shtuar se Ramës hurin do t’ia tregojnë shumë shpejt shkodranët.
“Hurin do ta tregojne shkodranet shume shpejt, burraca”, ka shkruar Basha.
Ja statusi i kreut të PD-së në Shkodër Remzi Çobaj:
Edi RAMA nuk zhgënjeu as sot me vizitën në Shkoder për të treguar harbutërinë e tij dhe në vecanti kompleksin ndaj grave. Shfrimi i tij prej laci ndaj Kryetares së Bashkisë Shkoder, e cila para një jave ia perplasi në fytyrë, nuk ka për ta ndihmuar aspak në betejen e tij të humbur me Shkodren dhe qytetarët e saj. Kjo harbutëri dhe urrejtje e tij ndaj Shkodres rrit përbuzjen e neverinë ndaj një racisti, që jo vetem i diskriminon dhe ndëshkon shkodranët, por edhe i fyen ata paturpësisht.
Shkodranët kanë dinjitetin e tyre për të përballur të tillë maskarenj, por kur duhet dhe kur e lyp nevoja, i marrin në hu këta zaberhane, pa qenë nevoja të presin zgjedhjet….
