Pas plagosjes me armë zjerri Noizy ka vijuar axhendën e tij duke mbajtur koncertin e paralajmëruar në Ferizaj.
Edhe pse ai iu nënshtrua një operacioni për heqjen e plumbit Noizy doli menjëherë nga spitali për të vijuar koncertin.
Koncerti ishte i stërmbushur me fansa të reperit nga Shqipëria.
Në një video që e ka siguruar klankosova.tv, Noizy edhe pas plagosjes dëgjohet duke kënduar këngën “Jena Mbretër”, këngë kjo e cila ishte bërë disa vite më parë kundër anëtarëve të Babastars.
Pjesën F*** Babarecords, Noizy e rikthen mbi katër herë, kështu duke marrë mbështetje edhe nga publiku, njofton Klan Kosova.
Reperit i është hequr një plumb nga trupi në klinikën e Ortopedisë, por në skenë Noizy dukej shumë energjik.
