Ngjarja e rëndë e rrahjes brutale të një investitori libanezo-amerikan po nxjerr të tjera dyshime.
Përveç pistës kryesore të hetimit ku konflikti ka ndodhur për pronën në Gjirin e Lalzit, ku po ndërtohet rezorti turistik, dyshimet janë hedhur tek një bizesmen nga Durrësi, emri i së cilit nuk bëhet i ditur. Gazeta shqiptare”, duke iu referuar burimeve të saj shkruan se dyshohet se pas dhunës barbare të ushtruar ndaj biznesmenit, fshihet një biznesmen nga qyteti i Durrësit.
“Nuk mund të japim asnjë emër konkret për shkak se çështja është ende nën hetim, por jemi duke hetuar mbi një biznesmen nga Durrësi,” thanë burimet. Aktualisht 54-vjeçari ndodhet i shtruar në një spital privat në Tiranë.
Tashmë është e qartë se ajo që i ndodhi investitorit libanez Faad Mitri në autostradën Tiranë-Durrës nuk ishte një sherr banal. Aksidenti kishte qenë preteksti për të kaluar tek dhuna dhe kërcënimet.
I plagosuri ruhet 24 orë në 24 nga policia në spitalin privat ku po kurohet, për shkak të dëmtimeve të shumta që ka marrë. Ai është marrë në pyetje për të dytën herë nga oficerët e policisë gjyqësore. Kësaj radhe, Faad Mitri rrëfeu se dyshimi kryesor është konflikti që lidhet me çështjen e biznesit. Mitri pranoi se ka pasur kërcënime edhe më parë nga persona që nuk i njihte apo persona që nuk i kishte parë ndonjëhërë. “
