Pas mbledhjes plot debate të grupit parlamentar demokrat, kryetari i PD-së, Lulzim Basha deklaroi se grupi ishte i unifikuar në qëndrimin për shkëputjen e hallkave të krimit me politikën
Edhe pse Basha mori kritika të forta nga Eduart Selami dhe Majlinda Bregu për humbjen në Dibër, Basha tha se PD humbi prej kartelit të drogës.
“Në qendër të diskutimi ishte ngjarja kryesore politike në vend dhe domethëniet për të ardhmen e zgjedhjeve e të votës në Shqipëri.
Konkluzioni i qartë i grupit parlamentar në këtë diskutim të gjatë dhe të dobishëm në raport me atë çfarë duhet të bëjmë dhe do të bëjmë është se aleanca e politikës me krimin dhe në veçanti bashkëpunimi i kartelit të drogës me Edi Ramën mohuan mundësinë për zgjedhjet e lira e të ndershme, shkatërruan procesin politik”, tha Basha duke mos thënë asnjë fjalë për kritikat që iu bënë brenda grupit parlamentar.
