Sot ishte një ditë tepër emocionuese për fëmijët që u ulën në bankat e shkollës, por edhe për prindërit e tyre që i shoqëruan.
Me çanta në shpinë dhe lule në duar për mësuesen, ata buzëqeshin përpara kameras së aparatit për t’i fiksuar gjatë këto momente. E marta ka qenë një ditë e veçantë edhe për disa të famshëm shqiptarë që kanë shoqëruar fëmijët e tyre në shkollë, shkruan Icon style.
Aktori i humorit Julian Deda bashkë me bashkëshorten kanë shoqëruar sot dy fëmijët e tyre në ditën e parë të shkollës duke iu kujtuar këshillën se sa më të ditur, aq më të lirë do të jenë.
Çifti i balerinëve Enada dhe Gerd Vaso përcollën gjithashtu djalin e tyre Roan në ditën e parë të shkollës.
Andi dhe Julka ishin gjithashtu pranë djalit të tyre, në ditën e tij të parë të shkollës. Këtë herë ishte edhe një person special që i uronte vëllait “Suksese”, djali i tyre i vogël.
Edhe Irena Kita i ka uruar suksese “jetës së saj” në ditën e parë të shkollës.
Kastro Zizo ishte gjithashtu i pranishëm në ditën e parë të shkollës së djalit të tij.
