Anija e humbur e eksploruesit britanik Sir John Franklin, HMS Terrori, është gjetur pas 168 vitesh në gjendje të pacenuar në fund të një gjiri në Arktik.
Studiuesit thonë se ky është një zbulim që sfidon historinë dhe se merr fund një nga misteret më të mëdha të detit, shkruan The Guardian.
Anija HMS Terror, ishte anije e dytë britanike, e zhdukur në ekspeditën Franklin të vitit 1848. Dy anije të Britanisë së Madhe ishin nisur përmes Pasazhit Verior të Kanadasë për në Arktik, duke u zhdukur më pas dhe që atëherë konspiracionit nuk ndaluan.
Zyrtarët nga Fondacioni Kërkimor i Arktikut, një grup privat që ishte dërguar për të ndihmuar në kërkimin e kësaj anije, kanë thënë se anija është gjetur më parë gjatë këtij muaji.
John Franklin dhe 128 anëtarët e ekuipazhit të anijes HMS Terror dhe Erebus kishin vdekur, pasi dy anijet kishin ngecur në akull. Ekspedita kishte pasur për qëllim gjetjen e rrugëve në oqeanin Paqësor dhe Atlantik, për në oqeanin Arktik.
Fati i këtyre anijeve kishte mbetur një mister i madh për rreth 168 vite deri kur një ekip gjeti anijen Erebus në shtator të vitit 2014.
