Kontrolli i Lartë i Shtetit ka kallëzuar në Prokurori drejtorin e Njësisë së menaxhimit të projektit “Ndërtim i rrugës Tiranë-Elbasan”. Sipas KLSH, nga auditimi u konstatua abuzime miliona dollarësh.
“Nga auditimi u konstatuan pagesa ndaj kontraktorëve privatë të dhëna në kundërshtim me kontratën e punimeve civile, keqmenaxhim i fondeve, me pasojë dëm ekonomik ndaj Buxhetit të Shtetit në vlerë mbi 2,4 milionë dollarë, si dhe shpenzime jo në përputhje me parimet e 3E-ve (efektivitetit, eficiencës dhe ekonomicitetit) me vlerë mbi 4 milionë dollarë”, thuhet në njoftimin e KLSH-së.
KLSH ka rekomanduar masë administrative për shpalljen të papranueshëm për lidhje kontrate për shërbime konsulente kompaninë e cila është ngarkuar për supervizionin e punimeve si dhe moslidhjen e kontratave të mëtejshme me kontraktorët të cilët po realizojnë punimet civile të këtij projekti.
