Rezarta Shkurta ka folur për herë të parë publikisht pas arrestimit të bashkëshortit të saj Ermal Hoxha.
Këngëtarja ka treguar për “Prive” se ajo është duke bërë luftë me vajzën adoleshente brenda saj, vajzën nënë, vajzën artiste apo bashkëshorten e “atij” (duke ju referuar Ermalit).
Rezarta ka treguar se shtiret kur bën sikur opinioni i të tjerëve nuk i intereson por thellë brenda saj e vret dhe e detyron të mos e jetojë jetën siç do por ta jetojë siç duan te tjerët.
“Jeta e ime është një aktrim. Fotografia e jetës sime është bardh e zi”. – tha ajo e emocionuar.
“Çdo familje kalon gjëra të pakëndshme, unë nuk jam në kulmin e lumturisë sepse jam e detyruar të rris vajzën vetëm pavarësisht se kam gjetur dashurinë e jetës Ermalin. Në fund të fundit kush e gjeti lumturinë që të jem unë ajo që ta gjej?”- ka vijuar artistja.
Rezarta tregoi se është e fokusuar tek vajza Hera sepse është motivi i jetës dhe i lumturisë dhe tek puna e saj si fotografe. Gjithashtu ka folur për momentet pas arrestimit të bashkëshortit ku ka thënë se ajo nuk donte të lexonte asgjë çfarë thuhej në media sepse shumë prej tyre për Rezartën ishin gënjeshtra.
