Pas akuzave të PD-së dhe denoncimit të kreut të grupit parlamentar Edi Paloka, Prokuroria e Krimeve të Rënda ka nisur hetimet.
ABC News raporton se prokuroria e ka regjistruar proçedimin penal, pasi kallëzimi është me emra dhe persona konkret, me pretendimin se blejnë vota dhe kanosin qytetar për të votuar kandidat të majtë si grup i strukturar kriminal.
Dosja është regjistruar nga prokurori Gentian Trenova, i cili ka nisur edhe verifikimet konkrete të të dhënave të pasqyruara në kallëzimin e selisë blu. Ku pretendohet se një grup drejtuesist partiak dhe zyrtar shtetëror në Dibër kanë marr përsipër blerjen e votave në zgjedhjet vendore të datës 11 shtator.
Këto persona, sipas kallëzimit të PD-së, funksionojnë si një grup i strukturuar criminal që përveç parave përdorin edhe kërcënimet ndaj votuesve në Dibër për llogari të kandidatit të majtë Muharrem Rama.
Burimet pranë organit të akuzës, i thanë ABC NEWS se me regjistrimin e kallëzimit penal që është me emra të personave konkret, hetuesit kanë nisur verifikimet me metoda special të fakteve të pretenduara nga PD-ja. Mësohet se të gjithë personat e përmendur në kallëzim, do t’i nënshtrohen një hetimi me metoda special për të parë nëse qëndrojnë apo jo pretendimet e opozitës.
Kallëzimi i selisë blu është parë pak ditë më parë, kallëzim të cilin e njoftoi për mediat, kreu i grupit parlamentar të PD-së Edi Paloka. Sipas kallëzimit, Dionis Ymeri me detyrë drejtor i drejtorisë rajonale të tatimeve në Dibër është personi përgjes i ngarkuar me sigurimin e fondeve financaire për blerjen e votave.
Shtetasit Afrim Milli, Arben Keshi, Agron Malaj, Ylli Mikli, Spartak Koltraku, Nuri Meta, Qamil Leta zyrtar të administratës të ndryshme, janë ngarkuar me shpërndarjen e parave për votuesit. Shtetasit Jetmir Lleshi, Dritan Gjeci dhe Sonila Braha janë personat, sipas opozitës, kanë marrë përsipër duke kanosur punonjësit e administratës publike, si mësuesit, punonjësit shëndetësore e të bashkisë që të votojnë për kandidatin e majtë.
Nga ana tjetërm PD pretendon në kallëzim se shefi I komisariatit të Dibrës Robert Aga duke shfrytëzuar pozicionin e tij, kërcënon qytetarët, urdhëron arrestimin personave që nuk sigurojnë vota për kandidatin e majtë. Të gjithë këta persona, sipas kallëzimit, janë përfshirë në skemën kriminale të blerjes së votave dhe kërcënimin e votuesve në Dibër.
kallezim-penal-per-zgjedhjet-ne-bashkine-diber
