Me ndryshimet e reja në Gjermani është lejuar së fundmi që kompanitë të marrin punëtorë edhe nga shtetet që nuk janë pjesë e Bashkimit Europian, respektivisht në këtë rast mund të përfitojnë qytetarët e Maqedonisë, Kosovës, Shqipërisë, Malit të Zi dhe Turqisë, shkruan Koha Ditore.
Që një qytetar nga vendet e lartpërmendura të punësohet në Gjermani ai duhet:
-Të ketë leje qëndrimi për një kohë të kufizuar ose të ketë karton të kaltër për në BE.
-Për të marrë lejen e qëndrimit, qytetarët duhet të tregojnë pasaportën e tyre tek institucionet përkatëse në Gjermani dhe detyrimisht të mos jenë të refuzuar më parë për azil.
-Për të marrë leje qëndrimi për në Gjermani, ju mund të kërkoni ato në konsullatat dhe ambasadat e vendit tuaj.
-Duhet të ketë mjete të mjaftueshme në bankë dhe në punën që do ta gjej të ketë të ardhura të mjaftueshme që të siguroj qëndrimin pas mos kërkuar ndihma nga shteti.
-Kandidatët me kualifikime më të mira do të kenë mundësi më të mirë për të gjetur punë.
-Gjuha gjermane është kusht kryesor që ju të punoni në Gjermani, ndërsa për të vërtetuar se e dini gjuhën, ju duhet të keni diplomë.
-Me marrjen e lejes së qëndrimit ju nuk keni drejtë për të punuar. Leja e qëndrimit juve ju garanton qëndrim për të gjetur punë.
-Nëse gjeni punë atëherë mund të aplikoni për leje tjetër, me arsyetim se jeni duke punuar.
-Për vendet e punës, ju duhet të kontrolloni të gjithë portalet e punës në Gjermani.
Ndërkohë qeveria gjermane përmes një sistemi të ri aplikimi do t’i kundërvihet tregtisë ilegale me rezervimet e orareve të pritjes për aplikimet për viza në ambasadat gjermane.
Siç shkruan agjencia e lajmeve DPA – Ministria e Jashtme po punon në një sistem të ri për rezervimin e orareve të pritjes për aplikim për viza, që duhet të garantojë “një shfrytëzim optimal të kapaciteteve si dhe evitimin e rolit të agjencive jo serioze për viza”, thuhet në një përgjigje të qeverisë ndaj kërkesës së grupit parlamentar të partisë “E Majta” në opozitë.
