Koreja e Veriore ka kryer me sukses testin e pestë bërthamor, duke alarmuar vendet perëndimore!
Media shtetërore ka thënë se sot është kryer “një zhvillim i ri i kokave bërthamore”, që tashmë është i gatshëm të instalohet në pajisje në pajisje bërthamore në raketat balistike.
Ky njoftim vjen pasi në veri të vendit ndodhën lëkundje të mëdha të tokës. Shërbimi Gjeologjik i SHBA-së ka thënë se lëkundjet ishin në magnitudë 5.3 ballësh.
Presidenti i Shteteve të Bashkuara të Amerikës, Barack Obama ka paralajmëruar “për pasoja serioze” dhe u ka bërë thirrje liderëve të Koresë së Jugut dhe Japonisë që të konsultohen, ka njoftuar zëdhënsi i Shtëpisë së Bardhë, Josh Earnest.
Testi i fundit i Koresë Veriore vjen pas lëshimit të një serie të raketave balistike, të cilat u dënuan ndërkombëtarisht, ndërkaq SHBA ngriti sanksione.
Lideret e Koresë së Jugut dhe Japonisë kanë dënuar testin e fundit, duke e quajtur të rrezikshëm dhe një “provokim të madh”.
Kina ka thënë se kundërshton testet bërthamore të Koresë Veriore, ka thënë Ministria e Jashtme kineze, aleati i vetëm i madh i Phenianit. Franca po ashtu ka “dënuar fuqishëm”, testet bërthamore.
Koreja Jugore dhe ekspertët bërthamor kanë thënë se shpërthimi i sotëm mund të jetë dy herë më i fuqishëm se ai që u krye në muajin janar, duke sygjeruar sebomba lëshoi një shpërthim në mes të 10 dhe 30 kilotonë.
