Kryeministri Edi Rama foli në takimin e këshillit për Stabilizimin Shqipëri –BE ku pas fjalës së përfaqësueses së Lartë për Politikën e Jashtme dhe Sigurinë, Federica Mogherini nuk i kurseu batutat.
Ai morri fjalën duke folur në gjyhën shqipe: “Shqipëria është në një moment të vecantë, që imponoi edhe angazhimin tim direkt dhe praninë në Këshillin e sotëm”.
Më pas, bëri pauzë, duke lejuar vijimin e përkthimit. Por, Mogherini i kërkoi të fliste më mirë në anglisht, për të shkurtuar kohë. Pas saj, Rama ia ktheu me këtë batutë në anglisht: “Mendova të flisja më mirë në shqip, por, po flas anglisht, kjo tregon se ju nuk jeni përgatitur të na prisni shumë shpejt në BE” tha Rama.
Gjatë fjalës Mogherini vlerësoi angazhimin e Shqipërisë për procesin e integrimit në BE, duke u ndalur specifikisht në reformën në drejtësi, miratuar me unanimitet në Kuvend. “Një nga reformat më të rëndësishme është ajo në drejtësi që kaloi edhe në Kuvend, mbetet për tu vlerësuar, kjo do bëjë transformimin e vendit dhe do japë kontributin për institucione më të qëndrueshme, por edhe për marrëdhëniet mes Shqipërisë dhe BE. BE e vlerëson prioritetin që i keni dhënë kësaj reforme, reforma mori popullaritet të lartë në vend, besojmë se partitë kanë përgjegjësi për ta zbatuar këtë reformë, që u miratua me unanimitet në Kuvend” tha ajo.
