Rreth 200 punonjës të gazsjellësit TAP në Durrës kanë lënë punën dhe mëngjesin e sotëm kanë dalë në protestë në Shënvlash.
Ata pretendojnë se nuk janë paguar siç është parashikuar në kontratë. Sipas tyre, nuk janë paguar sa u është thënë në fillim të bërjes së kontratës dhe siç e parashikon kjo e fundit. Punonjësit thanë se më parë këtë ankesë e kanë drejtuar edhe tek përfaqësues të TAP, por nuk kanë marrë përgjigje.
“Nuk na janë paguar orët jashtë orarit. Jemi punësuar me kontratë 3¬ mujore. U punësuam me paga 30 mijë lekë të reja në muaj. Muajt e fundit kjo kontratë nuk është respektuar. Për muajin gusht jemi paguar vetëm 200 euro. Përfaqësues të TAP nuk na japin asnjë sqarim”, shprehen protestuesit, shkruan “Neës24”.
REAGON TAP:
“TAP është informuar për situatën e krijuar midis kontraktorit Spiecapag dhe punëtorëve të kësaj kompanie. TAP ka marrë garancinë nga Spiecapag që situata me pagesat do të zgjidhet shumë shpejt.”
