Partitë politike në Shqipëri vazhdojnë të marrin vendime vertikale. Instituti i Studimeve Politike në raportin e dytë periodik për periudhën qershor-gusht 2016.
Raporti thekson se partitë politike parlamentare kanë reflektuar rritje të kontrollit vertikal të vendimmarrjes, kryesisht për shkak të presionit të reformës në drejtësi.
Raporti vëren:
-Në PS për shkak të reformës u unifikuan votat parlamentare midis mbështetësve të linjës zyrtare të kryetarit, midis kritikëve të tij dhe disa deputetëve të mënjanuar ose përjashtuar më parë nga grupi.
-Në PD vendimi i momentit të fundit pro reformës unifikoi qëndrimin politik me vijën zyrtare të saj, duke ulur ndikimin e zërave kritikë brenda grupit parlamentar. -Në LSI për herë të parë u shënua përjashtimi i një deputeti për shkak të qëndrimit publik kritik me një akt politik të pavotuar ende, reformës në drejtësi.
Gjithashtu, raporti thekson se bisedimet midis krerëve partiakë mënjanuan rolin e grupeve parlamentare, të kryesive të partive dhe të këshillave kombëtare/ asambleve kombëtare. Për pasojë, liderit politikë forcuan ndjeshëm pozitat e tyre në parti, duke dobësuar zërat kritikë dhe hapësirën e tyre për veprim.
-Reforma në drejtësi në mënyrë paradoksale, në aspektin afatshkurtër dhe partiak ndikoi negativisht në rritjen e rolit, forcës, kontrollit dhe autoritetit të liderëve partiakë, në dëm të demokracisë së brendshme partiake.
-Në aspektin afatgjatë reforma mund të ketë ndikim edhe në praktikat e ardhshme parlamentare dhe cilësinë e përfaqësimit, për të ndikuar në dobësimin e liderëve partiakë dhe në forcimin e jetës institucionale dhe transparencës brenda partive politike.
