Presidenti i Republikës, Bujar Nishani dhe Zonja e Parë, Odeta Nishani morën pjesë sot në Meshën Solemne për shenjtërimin e Nënë Terezës.
Përpara fillimit të meshës në Sheshin Shën Pjetri, në Vatikan , Papa Françesku përshëndeti në një takim të shkurtër Presidentin dhe Zonjën Nishani.
Mesha madhështore u ndoq edhe nga një numër i madh autoritetesh politike e fetare si dhe nga shumë pelegrinë dhe qytetarë shqiptarë, krahas atyre të ardhur nga shumë vende të botës në këtë ditë të shënuar.
