Stresi i rikthimit në shkollë nuk është i pazakontë. Pas disa javësh në të cilat ankthi i ngritjes në mësim, detyrat dhe alarmi i zgjimit herët në mëngjes ishin kujtime të largëta, rikthimi mund të jetë një traumë e vërtetë. Vetëm për ditët e para ama, sepse trupi dhe mendja mësohen përsëri me ritmet e zakonshme.
Duke vendosur se kthimi në shkollë mund të jetë traumatik dhe të çojë në një stres të caktuar, e vetmja gjë që ju mund të bëni është të planifikoni një strategji që mund ta bëjë këtë sa më të durueshme të jetë e mundur.
Dhe strategjia më e mirë që duhet të zbatohet është kapja e ritmit të shkollës në mënyrë graduale, e jo t’i rinisni të gjitha aktivitetet normale në të njëjtën kohë.
Këshilla më e mirë është të filloni përgatitjen e mendjes dhe trupit për rifillimin e rutinës së përditshme të paktën një javë para nisjes së shkollës. Shkoni për të fjetur më herët, zgjohuni herët dhe ushqejeni fëmijën shëndetshëm dhe në mënyrë të rregullt.
Fëmija duhet të bëjë ushtrime dhe teste shkollore edhe gjatë pushimeve. Në mënyrë që të mos harrojë ato që ka mësuar më parë dhe për të mbajtur mendjen e trajnuar.
Së fundi, përgatitja psikologjike. Përpiquni ta bëni fëmijën të jetë i ngazëllyer për një vit të ri që fillon dhe për shumë përvoja të reja që do të bëjë.
Mos shprehni asnjë keqardhje negative që pushimeve po i afrohet fundi.
Burimi: DireDonna
