Një ngjarje shokuese ka ndodhur sot pasdite në aeroportin e Rinasit, duke shkaktuar panik e tronditje tek të gjithë udhëtarët. Një i ri i ka dhënë fund jetës, në kushte depresioni, duke u hedhur nga një lartësi 7-8 metra në terminal.Policia deklaron se i riu Jurgen Kapllani, 23 vjec, banues në Tiranë sapo ishte kthyer nga Gjermania, ku ishte emigrant me avionin Mynih-Tiranë. Sapo ka kaluar doganën, i riu është paraqitur në terminal ku ka deklaruar se është spiderman dhe më pas ka hipur mbi taracë dhe është hedhur nga një lartësi e konsiderueshme. Ai ka gjetur vdekjen e menjëhershme.
Dyshohet se ai vuante nga depresioni dhe kjo mund ta ketë shtyrë në aktin ekstrem. Një dëshmitar tha se J. Kapllani, para se të hidhej nga kati i dytë i terminalit thirri: “Më prit se po vij”.
