Dreka mes kryeministrit Rama dhe kryetarit të Kuvendit Ilir Meta ka përfunduar pas më shumë se tre orësh në një prej restoranteve në qendër të Tiranës.
Në përfundim të drekës, i vetmi që ka folur për mediat shte kreu i Kuvendit. Shkurtimisht ai ka thënë se diskutoi me Ramën për ndeshjen miqësore që Shqipëria luan sonte në mbrëmje me Marokun, inagurimin e stadiumit “Lori Boriçi” dhe fitoren e kombëtares.
I pyetur për koalicionin me PS-në, duke buzëqeshur Meta tha se “vazhdimësia e koalicionit nuk ka përse të diskutohet”.
Takimi mes Ramës dhe Metës vjen një ditë pasi ata miratuan në Kuvend vetëm me votat e tyre ligjin e Vettingut, një ligj jetik për zbatimin e reformës në drejtësi.
