Ndërsa e ka denoncuar vazhdimisht përmes faqes së tij në fb kultivimin e kanabisit, ish-kryeministri Berisha e ngriti këtë shqetësim edhe nga foltorja e Kuvendit.
Sipas tij, shndërrimi i Shqipërisë në kanabistan është emergjencë kombëtare. Sakaq një urim të veçantë pati për kryeministrin Rama.
Berisha: Është thirrur në mënyrë të jashtëzakonshme kjo konferencë kur në vetëdijen e çdo shqiptari emergjencë e emergjencave është shndërrimi i vendit të tyre në kanabistan. Shndërrimi i Shqipërisë në kanabistan duke filluar nga zonat më të thella të alpeve deri në Konispol përbën zhvillimin më të rrezikshëm, më të dëmshëm në këto vite. Kjo është piramida më e rrezikshme me të cilën përballet Shqipëria dhe shqiptarët. U ktheve zotërote, urime për Presidentin Ndoka, zoti Rama me ju e kam. Urime për Ndokën se u zgjodh President.
Edhe për Ymer Lalën. Ulsi pregatitu ti lëshosh vendin Ymer Lalës, është bërë pazari me ty. Kot je ti, kot fare, sepse socialistëve të Dibrës, midis tyre dhe Ulsiu i nxirret për veshësh jashtë kandidati që shpallet dhe emërohet kandidati i Ymerit. Këto janë të brendshmet tuaja se të jesh i bindur se as me Ymerin.. inatin e kam këtu se ti këto veprime i bën siç i ke thënë një Ambasadori dhe jo vetëm, se ata në veri janë kriminelë.I bën nga hipoteza se dibranët janë kriminelë dhe duan Ymer Lalën , se shkodranët janë kriminelë dhe duan Martin Cubin, se lezhjanët janë kriminelë dhe duan trafikantin Ndoka, se laçjanët janë kriminelë dhe duan Prengën.
