Mjeku i kandidatit republikan për president të ShBA-ve Donald Trump, ka thënë se e ka shkruar raportin mjekësor për pesë minuta.
Ai tha se e ka shkruar në shpejtësi prej 5 minutash raportin rreth shëndetit të Donald Trump, për shkak se makina e këtij të fundit po e priste jashtë.
“Në nxitim mendoj se disa fjalë nuk janë shkruar ashtu siç duhej”, tha Dr Harold Bornstein për NBC news.
Raporti i Bornstein thoshtë se “Trump do të jetë njeriu më i shëndetshëm i zgjedhur ndonjëherë në presidencë”.
Dy javë para shkrimit të raportit, Trump kishte shkruar në twitter se së shpejti do ta udhëzonte mjekun e tij, të nxjerrë një raport të plotë mjekësor, duke shtuar se ai raport do të tregojë perfeksionizmin, duke aluduar në shëndetin e tij.
