Të kalosh më shumë kohë me fëmijët e tu është sigurisht e rëndësishme, edhe pse siç ka konkluduar një studim i ri, më shumë rëndësi ka cilësia e kohës së shpenzuar së bashku se sa sasia.
Hulumtimi, në revistën shkencore “Journal of Marriage and Family”, në fakt tregon se sasia e kohës së shpenzuar me fëmijët ka rëndësi deri në tre vjeç. Më vonë, tek fëmijët të cilët janë në mes të 3 dhe 11 vjeç, ajo nuk ka praktikisht asnjë peshë në zhvillimin e tyre, nga pikëpamja e performancës në shkollë, sjelljes dhe sidomos mirëqenies emocionale të tyre. Ajo që ka rëndësi është cilësia. Në fund të fundit, çdo prind dëshiron të ketë më shumë kohë në dispozicion për t’ja kushtuar fëmijës së tij.
Që të kaloni më shumë kohë me fëmijët tuaj këtu keni disa këshilla se si të organizoheni më mirë:
Bëni diçka të re me fëmijët një herë në javë. Nëse fundjavën e keni më të lirë rregullojini gjërat për të shpenzuar më shumë kohë me fëmijët. Zgjidhni aktivitete që ju duken më të përshtatshme për të luajtur me fëmijët tuaj apo nipat dhe mbesat. Argëtimi dhe relaksimi janë shumë të rëndësishme për të gjithë familjen.
Planifikoni një shëtitje familjare në muze ose në kopshtin zoologjik për të eksploruar mrekullitë e shkencës dhe natyrës. Në këtë mënyrë qëndroni edhe sëbashku si dhe përfitoni për të mësuar diçka të re.
Përgatitni darkën së bashku. Për të fituar edhe pak kohë duhet t’i përfshini fëmijët në kuzhinë. Disa fëmijë tregojnë një pasion të natyrshëm për gatimin. Ky mund të shndërrohet në një moment shumë të veçantë.
Krijo rituale të reja. Për shembull, ju mund t’i lexoni atyre një histori para gjumit ose të bashkë-lundroni në faqet e një libri plot ngjyra dhe ilustrime.
Edhe në qoftë se jeni të stresuar/a nga një ditë e gjatë në punë, duhet të përpiqeni për të vënë mënjanë lodhjen dhe dembelizmin, të fikni telefonat dhe t’i dedikoni kohë fëmijës suaj.
Burimi: DireDonna
