Rrjeti social Facebook i kohërave të sotme ka ndryshuar shumë krahasuar me 12 vjet më parë kur nisi.
Atëherë përdoruesit ishin të paktë e në Shqipëri edhe më pak. Për këtë, privatësia ishte gjëja e fundit që përbënte shqetësim. Kohët e fundit, privatësisë po i kushtohet shumë rëndësi. Njerëzit bëjnë përzgjedhje dhe përpiqen që në ato që duan të jenë të rezervuar.
Një lajm i mirë ishte ai që aplikoi Ëhats App duke përdorur kodifikimin e mesazheve dhe të dhënave që shpërndajnë mes tyre përdoruesit e saj. Por blerja e Whats App nga Facebook është bërë që Zukenberg të ketë sa më shumë kontroll për to dhe Instagram-n.
Ndaj bosi i tyre ka vendosur që aplikacioni Whats App për iOS dhe Android të ndajnë informacionet e aplikacionit me rrjetin social Facebook. Kështu çdo informacion që një përdorues ka në aplikacionin Ëhats App do të shkojë automatikisht tek rrjeti social Facebook dhe e anasjellta.
Ekspertët thonë se kjo bëhet me qëllim që Facebook të fuqizojë sa më shumë sektorin e tij të reklamave duke marrë sa më shumë informacion që kanë dhe ndajnë përdoruesit në këto aplikacione. Duke marrë informacionet e mësipërme, kompania synon që të bëjë një shpërndarje sa më të madhe të hartës reklamuese duke i targetuar ato për reklamuesit.
