Policia e Lushnjës ka vënë në pranga dy persona të cilët janë përfshirë në vjedhje, ku njëri i kishte vjedhur dajës së tij automjetin e portofolin me para e më pas këtij të fundit ia vodhi një tjetër person.
Sipas të dhënave të policisë, bëhet e ditur se në pranga kanë rënë Xh.M, 14-vjeç, pasi në fshatin Xibrakë, Lushnje, në banesë i ka vjedhur mjetin tip Volsëagen me targa italiane BT 400 ZD, portofolin me 600.000 lekë, 250 euro dhe disa dekumente personale, dajës së tij, D.M, 43 vjeç.
Ndërkohë,Roland Fejzo 19-vjeç është arrestuar pasi në Kavajë i ka vjedhur Xh.M, portofolin me vlera monetare dhe disa dokumente personale të dajës së këtij të fundit të cilat u sekuestruan në cilësinë e provës materiale.
