Dilan Xhema, i riu nga Kosova terrorizoi disa ditë më parë qytetarët e Vlorës me thirrjet “Allahu Ekber’, ‘Do ju vras të gjithëve’ dhe mori peng tre vetë.
Sot gjykata e Krimeve të Rënda vendosi masën “shtrim të detyruar në psikiatri” pasi u arrestua nga policia e Vlorës.
Para seancës, babai i tij deklaroi për “News 24” se ai nuk ka lidhje me xhihadistë, por ka probleme të theksuara mendore.
Xhema u arrestua në Vlorë pasi ka tentuar të marrë peng tre persona dhe i ka dhunuar ata. Drejtoria e Antiterrorit në bashkëpunim me Policinë Vlorë një ditë më parë në qytetin bregdetar ka arrestuar në flagrancë shtetasit Dijar Xhema, 29 vjeç, lindur e banues në Mitrovicë, Kosovë.
“Arrestimi i këtij shtetasi u bë pasi ka dhunuar fizikisht, psikologjikisht dhe ka tentuar të rrëmbejë me mjetin e tij ‘Audi’ me targa KS02300CO, tre shtetas me inicialet: B.N, N.I, dhe F. D. në vende të ndryshme të qytetit të Vlorës brenda një harku kohor prej 2 orësh”, thuhet në njoftimin e policisë.
Këto veprime ky shtetas i ka shoqëruar me thirrjet në vende dhe ambiente publike si “Allahu Akbar”, “Jam i dërguari i Allahut”, dhe “Do ju vras të gjithëve”.
