Kur mund të notosh në det apo pishinë pasi ke ngrënë? Kjo është një pyetje që shumë e bëjmë, sidomos nënat.
Ideja e përhapur gjërësisht është se duhet pritur për tri orë përpara se të zhyteni në det, sepse mund të sjellë shqetësime deri në humbje të vetëdijes që sjell edhe mbytjen e mundshme.
Por a është me të vërtetë kështu? Sipas “International Life Saving Federation”, e cila analizuar të dhënat shkencore, nuk ka një lidhje të vërtetë në mes ngrënies para se të futeni në ujë dhe rrezikut të mbytjes, por sërish duhet patur kujdes.
Pas ushqimit nuk duhet të hIdheni pikiatë në ujë. Sepse trupi është shumë më i nxehtë se temperaturA e ujit. Ndaj këshillohet të futeni në ujë duke u lagur gradualisht: Këmbët, duart, kokën, stomakun dhe pastaj të gjithë trupin. Në këtë mënyrë shmanget shoku termik. Mund të bëni një shëtitje ose të luani me top para larjes.
Futja në ujë varet edhe nga lloji i vaktit që konsumohet. Është e qartë se një vakt shumë i përpunuar, si lazanja ose ushqime të skuqura, kërkojnë shumë orë për t’u tretur.
Para se të futeni në det eshtë më mirë që të zgjidhni një vakt të lehte me karbohidrate (makarona apo oriz), fruta dhe perime, si dhe peshk.
Alkooli është i ndaluar.
Në të vërtetë, çdo njeri është i ndryshëm dhe mund të reagojë ndryshe. Megjithatë, më mirë të ndiqni gjithmonë këshillat e mësipërme dhe të dëgjoni trupin tuaj.
Në qoftë se ankoheni për shurdhim, ënjtje të stomakut, ose në qoftë se keni edhe sikletin më të vogël, mos u zhysni, ose dilni nga uji menjëherë.
Burimi: DireDonna
