Policia e Durrësit ka arrestuar mbrëmjen e djeshme vëllain dhe nipin e ish-oficerit të lartë të shërbimit sekret në Durrës, Isa Çopës, i cili u gjet i djegur brenda makinës së tij “Opel Korsa” më 24 tetor të vitit 2011.
Halit Çopa dhe djali i tij 20-vjeçar akuzohen për veprën penale “Kundërshtim i punonjësit të policisë”, ndërsa i biri edhe për veprën penale “Trafikim i lëndëve narkotike”, pasi i është gjetur dhe sekuestruar në cilësinë e provës materiale një sasi prej 600 gr heroinë.
Specialistët e Seksionit për Hetimin e Narkotikëve në Drejtorinë Vendore të Policisë Durrës, në bazë të informacioneve të marra në rrugë operative, kanë goditur një tjetër rast të trafikut ndërkombëtar të lëndëve narkotike, ku kanë arrestuar në flagrancë shtetasit:
• Julian Shaqja 25 vjeç, banues në Durrës, marinar në tragetin e anijes Durrës-Bari;
• Klevis Çopa 23 vjeç, banues në Durrës (nipi i Isa Copes)
Më datë 08.08.2016, gjatë kontrollit të ushtruar shtetasve të mësipërm në pikën e kalimit kufitar të pasagjerëve në Portin Detar Durrës, në çantën e dorës së shtetasit Julian Shaqja u gjet dhe u sekuestrua në cilësinë e provës materiale rreth 600 gr lëndë narkotike e dyshuar e llojit heroinë.
Në vijim të hetimeve u bë shpallja në kërkim dhe po punohet për kapjen e shtetasit:
• G. Ç., 24 vjeç, banues në Durrës, organizator i trafikut të lëndës narkotike.
Gjithashtu filloi procedimi penal në gjendje të lirë në ngarkim të shtetasit:
• H.Ç., 56 vjeç, banues në Durrës, babai i shtetasit Klevis Çopa, (vellai i ISa Copes) pasi:
gjatë kontrollit të ushtruar në banesën e tij ka kundërshtuar punonjësit e policisë.
Materialet i kaluan Prokurorisë për Krimet e Rënda Tiranë për veprime të mëtejshme për veprat penale “Trafikim i lëndëve narkotikëve” në bashkëpunim dhe “Kundërshtimi i punonjësit të policisë së Rendit Publik”.
