Kasem Hysenbelli, ish-drejtori i News 24 ka shkuar të kalojë një fundjavë me gazetarin Artur Çani dhe disa persona të tjerë në Karaburun, por ajo me të cilën është hasur në këtë vend i ka bërë aq shumë përshtypje, saqë ka vendosur të ndajë historinë me ndjekësit e tij në rrjetet sociale.
Hysenbelli tregon se si çmimi i produkteve që kishte konsumuar në një nga restorantet e zonës ishte aq i lartë, e për më tepër, fatura i kishte ardhur në një copë letër, pa kupon tatimor.
“Miqtë e mi, pardje u shkruajta, ku bizneset ankoheshin per renie të punës. Miqtë e mi i masakruan me komente për mos shërbim e çmime të kripura. I nxitur nga reagimi juaj dhe biseda me mikun tim Artur Cani bëri që Turi të reagojë ashpër ndaj çmimeve të drekimit në Karaburun, ku faturën e keni më poshtë. I kërkoj lokalit faturë tatimore (ne foto fatura), por mori arrogancë. Menjëherë njoftoi tatimorët, të cilëve Turi u interesua t’u gjejë dhe skaf, ku 4 tatimore erdhën urgjent. Çështja tani është në dorë të shtetit…”, – shkruan Hysenbelli.
