Rebelët sirianë rrëzuan një helikopter ushtarak rus, duke vrarë pesë personat që ishin në bord. Helikopteri u rrëzua në perëndim të Sirisë, teksa po kthehej në bazë.
Fotot tregojnë se si rebelët tërheqin zvarrë trupin e njërit prej pilotëve apo dhunojnë shtazërisht trupin e pilotit tjetër. Por ndërkohë mbetet mister fakti se përse një kartë identiteti në vendin e ngjarjes, tregonte një grua bionde.
Fotografitë e tmerrshme nga skena janë duke qarkulluar nëpër rrjete sociale, ku besohet se janë postuar nga ekstremistët të cilët kanë rrëzuar helikopterin.
Në helikopterin ushtarak rus Mi-8, që është rrëzuar sot në provincën siriane Idlib, ndersa po kthehej në bazën Hmejmim pas dorëzimit të ndihmave humanitare në Aleppo, kanë qenë pesë persona, dy policë dhe tre anëtarë të ekuipazhit. Që të gjithë kanë mbetur të vdekur në vend.
Zëdhënësi i Kremlinit, Dmitry Peskov, ka konfirmuar lajmin se avioni është rrëzuar dhe ushtarët e vdekur rusë i ka quajtur heronj.
